Ginpasidunggan ang University of San Agustin (USA) bilang Institutional Program Awardee sa Uniservitate Awards 2026 – Asia & Oceania, bangud sa flagship initiative sini nga ginatawag nga IPaTUBIG: Empowering IP Community Through WaSH and Renewable Energy.
Ginpatuman ang proyekto sa Guimbal Ati Tribe Organization (GATO) sa Sitio Igtuba, Brgy. Camangahan, Guimbal.
Ang programa isa ka collaborative effort nga ginpangunahan sang College of Liberal Arts, Sciences and Education (CLASE) nga may mapag-on nga suporta gikan sa Social Advocacy and Community Engagement Office (SACEO) kag College of Technology (COT).
Katuyuan sang proyekto nga ma-empower ang komunidad paagi sa pag-provide sang access sa safe water, improved sanitation, hygiene education, kag renewable energy solutions.
Sa interview sang Bombo Radyo kay Ms. Maria Cristy Daguay, Director sang Social Advocacy and Community Engagement Office (SACEO), iya ginpahayag nga ini nga pagkilala ang labaw pa sang sa award.
Suno sa iya, para sa Ati community, ini isa ka pamatuod sang ila pag-uswag kag pagbukas sang oportunidad para sa mas dako nga suporta para sa health, safety, kag self-reliance sang mga tawo.
Dugang niya, para sa mga estudyante nga kabahin sang proyekto, nagatanyag ini sang mas madalom nga pagtulun-an kun sa diin ma- apply nila ang natun-an nila sa hulot-klasehan agud i-address ang mga matuod nga pagpanghangkat sa mga komunidad kag mahatagan solusyon.
Ginpaathag man sini nga ang IPATUBIG ang repleksyon sang Augustinian values sang Caritas (Charity), Veritas (Truth), kag Unitas (Unity).
Patigayunon ang official awarding ceremony sa Agusto sa Service-Learning Student Summit 2026 sa University of Saint Joseph sa Macao.
 bilang Institutional Program Awardee sa Uniservitate Awards 2026 - Asia & Oceania,){kind=link}