ILOILO CITY- Natalana nga mag-file sang complaint sa Land Transportation Office ang Public Safety and Transportation Management Office batok sa tag-iya sang lima ka mga pribado nga salakyan nga naga-illegal park sa atubang sang Sun Yat Sen, Mapa Street, Iloilo City Proper.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga pila ka beses na nila nga ginakadtuan ang tag-iya sang mga salakyan apang wala ini nagaatubang sa ila.
Suno kay Conlu, ini ang rason kun ngaa ipasaka na nila ini sa Land Transportation Office.
Nahibaluan nga nagareklamo ang mga ginikanan nga nagadul-ong sang ila mga estudyante sa amo nga eskwelahan bangud wala sila sang area nga mapondohan sang salakyan bangud sa naga-park nga lima ka mga salakyan.
