ILOILO – Magapahamtang sang satellite offices kag mga outpost ang Public Safety and Transportation Management Office sa kada distrito.
Sa interview sang Bombo Radyo kay Jeck Conlu, pinuno sang Public Safety and Transportation Management Office iya ginpahayag nga ang pagpahamtang sang mga nasambit nga opisina sa kada distrito ang sabat sa mas madasig nga pag responde sa mga insidente kag anuman nga problema.
Dugang sang natungdan, ini man ang lihok nga ginpatigayon sang City Government agud likawan kag mas maka sabat ang syudad sa masami nga pagluntad sang mga insidente.
Santo sa pahayag ni Conlu, magapahamtang man sang mga Circuit Camera Television sa bilog nga syudad agud mas madasig nga ma monitor ang tanan nga nagakalatabo sa syudad.
Ginpahayag sang natungdan, nga ginalauman nila nga mapatuman na ini sa madasun nga tuig.
