Ginbawian sang kabuhi ang duwa ka mga indibidwal,kalakip ang isa ka pulis, matapos gintiro sang isa man ka pulis sa isa ka resort sa Maragondon, Cavite.
Amo nga napatay amo sanday PStaff Sgt. Junmark Sisante nga assigned sa Magallanes Police Station, kag si Arjay Mojica nga civilian security sang isa ka alcalde.
Pilason naman ang isa pa ka pulis nga si PCpl. Louie Climacosa nga assigned sa Ternate Police Station.
Ang suspek nga arestado amo si PCpl. Rolando Periodico Jr., 35 anyos, assigned sa Trece Martires City Police Station.
Suno sa imbestigasyon, halin sa sulod sang resort ang mga biktima kag suspek gikan sa gintambungan nga okasyon sang nagsugataay ang mga ini sa parking lot sang resort.
Gin-alegar nga hubog ang suspek nga pulis sang natabo ang baisay tubtob gintiro niya ang mga biktima.
Padayon pa ang imbestigasyon sa kon ano ang motibo sa krimen.
