Patay ang isa ka babaye matapos gintiro sang live-in partner sini nga isa ka pulis samtang pilason naman ang iloy sang biktima.
Natabo ang krimen sa Brgy. Zone 3, Digos City, Davao del Sur.
Suno sa impormasyon, nagabaisay ang hubog nga si Patrolman Orland Porquido Dinoy kag ang live-in partner nga si Mealjoy La Peña.
Sa kainiton sang ila baisay, gintiro sang suspek ang biktima nga dead-on-the-spot bangud sa mga igo sang bala nga naagom sini.
Naigo man sang bala ang iloy sang babaye samtang ginatuyo sini nga punggan ang suspek.
Naaresto naman ang pulis kag preso na subong sa isa ka police detention facility.
