ILOILO CITY- 90 counts sang rape ang kaso nga ginpasaka batok sa isa ka punong barangay sa banwa sang Bingawan, Iloilo.
Sa interview sang Bombo Radyo kay PLt. Ryan Christ Inot, hepe sang Bingawan Municipal Police Station, iya ginpahayag nga ang amo nga 50 anyos nga punong barangay ang ginaalegar nga naghimulos sa iya kaugalingon nga anak nga babaye nga 17-anyos pa lamang.
Suno kay Inot, mismo ang asawa kag bata nga babayi ang nagreklamo batok sa suspek.
Base sa imbestigasyon, natabo ang una nga paghimulos sang siyam ka tuig pa lang ang biktima kag nagpadayon ang pagpanghimulos tubtob sa iya edad subong.
Suno pa kay Inot, indi maayo ang relasyon sang suspek sa iya asawa nga nagatrabaho sa Hong Kong kag kaangay nga ginhimo sini nga asawa ang iya bata sa sulod sang walo ka tuig.
Pahayag sang hepe,sang damlag lang sang nahibaluan sang lola sang biktima ang ginahimo sang suspek kag gilayon niya ini ginpahibalo sa iloy sang dalagita.
Sang Lunes sang nagpauli ang iloy kag gilayon nga nagdangop sa kapulisan nga nagresulta sa pagkaaresto sa suspek kag kahapon, Agusto 23 sang natigayon ngaa mapasaka ang kaso.
Gindugang man sang hepe nga ang damlag lang, ginpasakaan man sang kaso nga paglapas sa Republic Act 9262 ukon Violence Against Women ang amo nga opisyal sang barangay apang nakapiyansa ini.
