GUIMARAS – Preparado na ang bug-os nga pwersa sang kapulisan sa probinsya sang Guimaras agud maghatag sang seguridad subong nga paskwa.
Sa interview sang Bombo Radyo kay Police Colonel Hector Maestral, Provincial Director sang Guimaras Police Provincial Office, iya ginpahayag nga mas ginpasangkad ang pagbantay sa mga lugar kun sa diin madamo ang tawo kaangay na lang sa mga simbahan kag plaza.
Suno kay Maestral, naka-deploy naman ang mga police personnel sa ila tagsa ka mga area agud masigurado ang seguridad sang mga pumuluyo.
Samtang, sa interview naman sang Bombo Radyo kay Police Lt. Norman Pacifico, hepe sang Nueva Valencia Municipal Police Station, iya ginpahayag nga sa padayon nga pagbantay sa mga dalanon, wala pa sang may na record nga insidente.
Nagpanugyan man si Pacifico nga mangin alerto bangud madata ang kaso sang pagpangawat subong nga tion sang paskwa.
