Sara Duterte, gintawag nga ‘papansin’ si Claire Castro

Gintawag ni Vice President Sara Duterte nga “papansin” kag indi dapat pagsapakon si Palace Press Officer Undersecretary Atty. Claire Castro.

Suno pa sa vice president, bangud “papansin” si Castro, nagadala ini ang kahuy-anan bangud nga ginarepresentar sini ang selyo sang opisina sang presidente.

Basi pa suno kay Duterte kun pinsaron sang bilog nga kalibutan nga makaluluoy man ang Pilipinas bangud sang klase sang spokesperson ni President Bongbong Marcos.

“Lagi ko sinasabi, na kapag si Claire Castro ang nagsasalita, huwag niyong pansinin o bigyan ng halaga kasi pag pinapansin n’yo, nafi-feed ‘yung kanyang papansin na ugali,” suno sa VP.

Nag-ugat ang komento ni Duterte sa natabo sang nagligad nga adlaw sang nagkomento man si Castro sa statement ni Duterte sa The Netherlands nga “We can only pray there will be presidential elections in 2028.”

Bangud daw kaangay nga “nagapang-intriga” kag may lain nga buot silingon ang bise presidente santo sa paghangop ni Castro, nagpahanumdom ang Palace Press Officer kay Duterte nga bilang abogada, dapat nahibaluan sini ang Konstitusyon.

“Kitang kita niyo naman na habang sumasagot ang Bise Presidente ay nangingiti siya. Siguro, kahit siya ay natatawa sa kanyang sariling sagot,” suno kay Usec. Castro sa iya nga press briefing sang Martes.

Matapos gintawag nga “papansin”, nagsabat man liwat si Castro.

“Actually, wala tayong papansin na ugali. Sumasagot lang tayo sa questions mula sa media at katulad niyan, pinansin niya ako,” suno kay Castro sa sidelines sang 48th ASEAN Summit sa Lapu-Lapu City, Cebu.

“Wala tayong binibigay na anumang salaysay at statement na hindi naaayon sa Palasyo,” dugang sini.#