ILOILO – Ginpakigbahin sang isa ka rebel returnee nga nagbalik sa sabak sang gobyerno ang kabudlay nga iya na eksperyensyahan sang sya ang miyembro sang rebelde nga grupo.
Ini ang kadungan sang pagselebrar sang anibersaryo sang New People’s Army kahapon nga adlaw.
Sa interview sang Bombo Radyo kay Alyas MJ, iya ginpahayag nga na realisar niya nga mas nangin mabudlay ang iya nangin kabuhi umpisa sang nangin miyembro siya sang rebelde nga grupo.
Suno kay MJ, gusto lang niya kun tani nga bag-uhon ang sistema sang gobyerno apang wala niya ini nalab-ot bilang isa ka rebelde nga grupo sa baylo nga nangin mabudlay lang ang iya nga kabuhi.
Nagpanugyan ang natungdan sa mga pamatan-on nga may plano nga magpasakop sa rebelde na grupo kay may kaangay man nga katuyuan sa iya nga indi sabat ang pagkapot sang armas.
Ginpahayag ni MJ nga isa lang ang pamaagi agud makuha naton ang pagbag-o amo ang magtuon sang maayo agud malab-ot ang tanan nga handum sa kabuhi.
