ILOILO CITY- Ginpaidalum sa blue alert status ang Western Visayas bangud sa epekto sang El Niño phenomenon.
Ini ang kasunod sang ginpatigayon nga pagsinapol sang Regional Disaster Risk Reduction and Management Council.
Sa interview sang Bombo Radyo kay Office of the Civil Defense (OCD) 6 director Raul Fernandez nga nagaserbe nga chair sang Regional Disaster Risk Reduction and Management Council Region 6, iya ginpahayag nga katuyuan sang blue alert nga mapasanyog ang monitoring kag coordination efforts agud mapahagan-hagan ang epekto sang El Niño.
Suno kay Fernandez, nakaalerto man ang nanuhay- tuhay nga ahensya sang gobyerno para sa emergency response saa tion nga kinahanglanon ini.
Gin-activate naman ang mga response clusters para sa emergency response kag humanitarian assistance.
Nagpangabay naman ini sa publiko nga ugyunan ang mga tikang sang council kag sang gobyerno para mapahagan-hagan ang epekto sang El Niño phenomenon.
