ILOILO CITY- Ginkakas na sa pwesto bilang regional director sang Cooperative Development Authority 6 si Dr. Nora Patron.
Sa interview sang Bombo Radyo kay Undersecretary Joseph B. Encabo, Chairperson sang Cooperative Development Authority, iya ginkumpirma nga sang Nobyembre 20 pa ginkakas sa pwesto si Dr. Patron.
Suno kay Encabo, ginahitso pa ang transition period para sa bag-o nga regional director.
Wala pa sang ngalan nga may ginhatag ang natungdan nga magapungko bilang bag-o nga regional director.
Madumduman nga gindeklarar ni Iloilo City Mayor Jerry Treñas nga persona non grata si Patron bangud sa pagtolerar sini sa kamala-malahan nga nagakatabo sa Iloilo City Government Employees Multi- Purpose Cooperative.
