ILOILO CITY – Nagdangat na sa 106 ang mga nabaton nga reklamo sang Grievance and Appeal Committee may kaangtanan sa pagpanagtagsang ayuda sa idalom sang Social Amelioration Program sa syudad sang Iloilo.
Sa Interview sang Bombo Radyo kay Rara Ganzon, focal person sang City Social Welfare and Development Office iya ginpahayag nga kalabanan sa mga reklamo nga ila nabaton amo inclusion, exclusion, qualification kag disqualification sa nasambit nga ayuda.
Suno kay Ganzon, 29 na sa mga reklamo ang na solbar na 29 man ang ginkonsiderar kag ang nabilin ang wala pa nahatagan sang solusyon.
Dugang sang natungdan, prayoridad nila subong ang mga naga reklamo paagi sa walk in, sulat kag nagatawag sa hot line.
Nagpanugyan si Ganzon sa mga pumuluyo nga mahimo pa nga makig-angot sa ila ang mga pumuluyo sa ila agud mapalab-ot ang ila reklamo.
