Maga-atubangay liwat ang Barangay Ginebra kag ang defending champions nga TNT Tropang Giga sa finals sang PBA Governors’ Cup!
Ini matapos ginlutos sang Ginebra ang San Miguel Beermen, 102-99, sa Game 6 sang semifinals sa Smart Araneta Coliseum subong nga gab-i, Oktubre 20.
Nagpanguna na ang Gin Kings, 86-78, sa temprano nga bahin sang fourth quarter antes nakalagas ang Beermen, 99-98, matapos ang back-to-back baskets nanday June Mar Fajardo kag import nga si EJ Anosike sang dos minutos na lamang ang nabilin sa hampang.
1:49 minutes naman ang nabilin sa fourth frame sang naka-tres si Justin Brownlee nga amo ang naghatag-ligwa sa Ginebra kag amo na ang katapusan nga puntos sa hampang.
Nagpanguna sa Ginebra si Maverick Ahanmisi nga may 25 points, two rebounds, isa ka assist, kag isa ka steal samtang si Brownlee naman ang may 21 points, seven boards, seven assists, three steals, kag two blocks.
Naka-20 puntos si Japeth Aguilar samtang ang scoring-leader sa fourth quarter nga si RJ Abarrientos ang may 16 points.
Sa Beermen naman, nanguna si Anosike nga may 30 points samtang may 22 points naman kag 15 rebounds kag reigning Most Valuable Player nga si Fajardo.
Balantayan ang Game 1 sa finals series 7:30 sang gab-i sa Domingo sa Ynares Center sa Antipolo.
Scores:
Barangay Ginebra 102 – Ahanmisi 25, Brownlee 21, J.Aguilar 20, Abarrientos 16, Thompson 10, Cu 7, Holt 3, mariano 0, Adamos 0.
San Miguel 99 – Anosike 30, Fajardo 22, Lassiter 16, Perez 13, Cruz 8, Trollano 8, Manuel 2, Romeo 0, Ross 0.
Quarters: 23-27, 46-49, 76-75, 102-99.
