Dako ang pagsalig ni La Union 1st District Rep. Francisco Paolo Ortega V sa ginduso nga bersyon sang Kamara nga Anti-Political Dynasty Bill.
Ini matapos nga naaprubahan na sa House of Representatives ang House Bill No. 8389 nga may 267-20-7 nga boto sa third and final reading sang Hunyo 3.
Suno kay Ortega, pinaka realistic version ang ila sang Kamara kun sa diin posible na ini nga mahatagan sang nagakadapat nga atensyon.
Ginpakigbahin man niya nga nagakinahanglan man ang hagna nga padayun nga diskusyunan pinaagi sa isa ka bicameral conference committee meeting kun sa diin madamo pa ang posible nga pagbag-o.
Wala man gindeny ni Ortega nga kabahin ang ila pamilya sa mga maapektuhan sa tion nga mapasar na bilang layi ang nasambit nga hagna.
