ILOILO CITY- Pasado na Iloilo City Council ang resolusyon nga nagakilala kay anay Police Regional Office 6 Director Police Brigadier General Sidney Villaflor.
Sa interview sang Bombo Radyo kay Iloilo City Councilor Sedfrey Cabaluna, chairman sang Committee on Police Matters, iya ginpahayag nga mismo si Iloilo City Mayor Jerry Treñas ang nag-endorso sa fomer regional director.
Suno kay Cabaluna, nag-isyu ang alkalde sang executive order nga naga-certify nga urgent ang pag-commend sa police official.
Matandaan nga pila ka beses man nga gin-defer sa session sang city council ang pag-isyu sang amo nga resolution nga naga-commend kay Villaflor ilabi na sa pagpakig-away batok sa illegal nga druga bangud sa pila ka mga konsiderasyon.
Si Villaflor nangalagad nga director sang Police Regional Office 6 sang May 22, 2023 tubtob Pebrero 15, 2024. kag nakakumpiskar ang iya liderato sang P360 million balor sang illegal drugs sa rehiyon.
Nahibaluan nga nag-apply para sa Cavalier Award si Villaflor.
