Isa ka man sa nagdaku sa mga kanta sang SexBomb Girls?
Wala pa natapos ang ila nga reunion show bangud ila gin-anunsyo nga may ara pa gid sila sang “Round 6!”
Sa Get Get Aw! Round 5 show sini nga Domingo, ginpahayag sang grupo nga may Round 6 ang ila in-demand nga concert.
Samtang, gin-anunsyo man nga may palaabuton nga world tour ang grupo, apang wala pa sang detalye kun san-o ini pagahimuon kag kun diin nga mga pungsod.
Una nga ginhiwat ang SexBomb Girls reunion concert sa Araneta Coliseum sang Disyembre 4, kag ginsundan sang ikaduha nga show Mall of Asia Arena sang Disyembre 9.
Ang ikatlo, ika-apat, kag ikalima nga shows ginhiwat man sa MOA Arena sang Pebrero 6, 7, kag 8.
Kilala ang SexBomb Girls nga ginabug-usan nanday Rochelle Pangilinan, Jopay Paguia, Mia Pangyarihan, Aira Bermudez, Sunshine Garcia, Aifha Medina, Weng Ibarra, kag iban pa.
Magluwas sa ila abilidad sa pagsaot, bantog man sila sa ila nga hit songs pareho sang “The Spaghetti Song,” “Halukay Ube,” kag iban pa gid.
![Pinterest](https://pinterest.com/pin/create/button/?url=https://iloilo.bomboradyo.com/reunion-show-sang-sexbomb-girls-may-round-6-pa/&media=https://img.bomboradyo.com/iloilo/2026/02/sexbomb.webp&description=Wala pa natapos ang reunion show sang SexBomb Girls bangud ila gin-anunsyo nga may ara pa gid sila sang “Round 6!"){kind=link}