ILOILO CITY- Opisyal na nga ginkumpirma sang Iloilo City Council and appointment ni Mr. Ronald Cartagena bilang bag-o nga department head sang Iloilo City Planning and Development Office.
Ginbuslan ni Mr. Ronald Cartagena si Mr. Butch Peñalosa bilang head sang nasambit nga opisina.
Sa interview sang Bombo Radyo kay Mr. Cartagena iya ginpahayag nga importante nga balanse ang pag-uswag sang siyudad samtang ginaprotektahan ang palibot.
Suno kay Cartagena, kinahanglan i-manage sang maayo ang development nga ginahatag sa siyudad para magamit sa insakto.
Nagpasalamat man ini kay Iloilo City Mayor Jerry Treñas sa ginhatag nga pagsalig sa iya.
Nahibaluan nga apat pa lang ka tuig nga empleyado sang Iloilo City Hall si Mr. Cartagena bag-o ma- assign sa City Planning and Development Office.
