Labi pa nga nagabaskog ang mga huring-huring nga basi ang lamharon nga American professional boxer nga si Ryan Garcia ang masunod nga maka-engkwentro sang Pinoy pride kag fighting senator nga si Manny Pacquiao.
Halos 20 ka tuig ang age gap sang duha ka boksidor, apang ‘dali lang, hulat anay’ naman ang komento ni Sean Gibbons, presidente sang MP promotions ni Pacquiao.
Suno kay Gibbons, interesante matuod ang posible away nga matabo sa tunga sang duha ka boksidor.
22 anyos pa lang ang interim WBC lightweight champion nga si Garcia apang suno kay Gibbons, may abilidad naman kag makabato kontra sa 42 anyos nga si Pacman.
Dugang pa ni Gibbons, isa ka tuig kag 10 ka bulan na nga wala nakapakita sa boxing ring si Pacquaiao gani ANTYHING CAN HAPPEN suno sa iya.
Si Garcia kag si Pacquiao ang lunsay naman nakapahayag nga posible sila makaatubangay sa boxing ring.
