Isa ka maragtason nga tikang ang ginhimo sang Thailand kaangot sa marriage equality matapos ginpasar na sang
lower house ang hagna nga magapahanugot sa same-sex marriage.
Kinahanglan pa sini ang approval halin sa Senado kag ang royal endorsement antes mahimo nga layi.
Apisar sini, daku na ang paglaum nga mapasar ini antes magtakop ang 2024 — kag kun matabo, ang Thailand ang mangin labing-una nga pungsod sa Southeast Asia nga magakilala sang same-sex unions, kag ikatatlo sa bilog nga Asya kasunod sa rekord nga ginhimo sang Taiwan sang 2019 kag Nepal sang 2023.
Ang hagna ang nakakuha sang 400 ka boto sa 415 ka mga mamalidha. Nakasaad diri nga ang “marriage” amo ang partnership sa tunga sang “duha ka indibidwal” sa baylo nga “sa tunga sang babaye kag lalaki”. Paagi sa sini, mahatagan man ang LGBTQ couples sang kinamatarong sa inheritance kag adoption kaangay sang ma-enjoy sang heterosexual marriages.#
(Perawongmetha/Reuters/File)
