Wala gihapon sang komento si Vice President Sara Duterte apisar pa madamo na ang nagamuno sa iya padayon nga paghipos sa isyu sang pagpang-harass sang China sa West Philippine Sea.
Kun matandaan, nagdepensa ang iya utod nga si Davao Rep. Paolo Duterte sang nagligad nga semana kag nagsiling nga indi na trabaho sang bise presidente nga pakalainon ang China.
Para naman kay Sara, kumprehensibo na ang amo nga statement ni Paolo Duterte kag wala na siya sang idugang.
“No comment. I think comprehensive na iyong statement ni Cong. Paolo Duterte about me and the West Philippine Sea,” suno sa bise-presidente.
Nahibaluan nga madamo ang nagapamangkot kun nga mahipos si Sara sa isyu sa national security apang matunog naman ini nga naga-depensa sa ila kaalyado nga si Pastor Apollo Quiboloy nga gina-akusaran sa kaso nga sexual abuse kag human trafficking.
Nakabaton naman sang kritisismo ini nga pahayag ni Duterte nga natuon pa mismo sa adlaw antes ang Araw ng Kagitingan ukon Day of Valor.
Isa diri si Akbayan President Rafaela David nga nagsiling: “Vice President Sara Duterte’s ‘no comment’ remark on China’s acts of violence and harassment against Filipinos in the West Philippine Sea epitomizes the most traitorous two words uttered by the second highest leader of the land. It echoes the dangerous depths of her allegiance to China over the well-being and dignity of the Filipino people.”
