ILOILO CITY – Gina-engganyo sang Barangay Officials sa Balabago, Jaro, Iloilo City ang mga pumuluyo sa lugar nga magpaninlo sang ila tagsa ka mga ugsaran.
Sa interview sang Bombo Radyo kay Punong Barangay Edgar Arañador, iya ginpahayag nga nagahiwat ang ila nga barangay sang ‘Saturday Habit’ pinaagi sa pagbuligay sa pagpaninlo indi lang sa sulod sang balay sa baylo sa palibot sang lugar.
Suno kay Arañador, nagakadapat nga sundon sang mga pumuluyo ang 4-S kontra dengue ukon ang “Search and destroy mosquito breeding places, Secure self-protection, Seek early consultation kag Support fogging/misting”.
Dugang pa sang punong barangay, nakigsapol man ang mga personnel sang City Health Office sa ila nga barangay agud nga mahatagan sang ideya kag ma edukar ang mga pumuluyo.
Nahibaluan nga naghatag man sang larvicide ang city health office sa nasasambit nga barangay agud nga indi na magdamo pa ang mga lamok.
