Ginklaro sang Supreme Court nga wala pa ini naka-desisyon sa main petition nga gin-file ni former president Rodrigo Roa Duterte kag Senator Ronald ‘Bato’ dela Rosa.
Suno sa Korte Suprema, ang iga-upload subong nga adlaw, Mayo 25, amo ang mga opinion nga naangot sa pagbasura ukon pag-deny sang temporary restraining order (TRO) ukon status quo ante order sa petition nga ginpasaka ni Duterte kag Dela Rosa batok kay former Executive Secretary Lucas Bersamin kag iban nga respondents.
Ginpaguwa ang klaripikasyon sa tunga sang reports nga naangot sa pahayag ni Senior Associate Justice Marvic Leonen kun sa diin gin-quote ini nga natalana nga magpaguwa ang Supreme Court sang decision sa main petition nanday Duterte kag Dela Rosa.
Suno naman sa Korte Suprema, ginpaguwa ang statement ni Leonen nga gwa sa konteksto bangud ginhambal ini sa meeting sa Integrated Bar of the Philippines kag Mindanao State University sa Marawi City sang Mayo 23 nga naka-focus sa Shari’ah kag mga responsibilidad sang mga abogado.
Matandaan nga sang Mayo 20, gin-deny sang Supreme Court ang pangabay ni Dela Rosa para sa TRO kag status quo ante order samtang nagapangatubang ini sang standing arrest warrant halin sa International Criminal Court (ICC).
Nangin 9-5-1 ang boto sang justices sang amo nga tion nga nagabasura sang amo nga request para sa interim relief.
