Sa pinakauna nga kahigayunan, nakahaboy sang pamangkot si Senator-Judge Lito Lapid sa ika-17 nga adlaw sang impeachment trial ni Vice President Sara Duterte.
Bilang follow-up sa mga pamangkot ni Senator-Judge Panfilo “Ping” Lacson, nagpangayo sang kaathagan si Lapid tuhoy sa kun diin gindala ang pondo sang 2nd quarter kag sa mga nagsunod pa nga quarter samtang wala pa ini tingob nga ginahatag kay Col. Raymund Dante Lachica.
Nagsabat naman ini ni former OVP Special Disbursing Officer Gina Acosta kag ginsiling nga gintago ukon ginbutang anay niya ang kwarta sa vault sang iya nga opisina.
