Nagpagwa naman sang iya pahayag si Senator Rodante Marcoleta nga may ara ini sang kinamatarong sa pagboto bilang isa sa mga senator-judge sa impeachment trial ni Vice President Sara Duterte apisar naka-detaine ini.
Sa 16 page nga sulat nga ginpadala sa mga opisyal sang Senado, ginklaro ni Marcoleta nga indi ini suspendido, wala ini naghalin sa iya nga posisyon kag wala ini nadulaan sang kapasidad bilang senador.
Ginpamatukan man sini ang pagpungko ni Senator Francis ”Chiz” Escudero bilang presiding officer sa impeachment trial.
Suno kay Marcoleta dapat ang Senate President ang dapat nagapamuno sa trial.
Liwat ginpahayag ni Marcoleta ang iya suporta sa 16-vote requirement agud ma-convict si Vice President Duterte sa impeachment case.
Nahibaluan nga naka-detaine sa karon si Marcoleta sa Quezon City Jail bangud sa kaso sini nga plunder.
