Igadonar nanday Sen Sonny Angara kag Sen Juan Miguel Zubiri ang ila nga plasma agud makabulig para sa nagapadayon nga pagpanalawsaw para sa bulong sang COVID-19.
Suno sa duha ka senador, ini man ang ila nga sabat sa panawagan sang Philippine General Hospital sa mga COVID-19 survivors nga i-donar ang ila nga dugo para sa experimental treatment sang mga pasyente nga may severe symptoms sang nasambit nga balatian paagi sa convalescent plasma therapy.
Madumduman nga una na nga ginpahayag sang Philippine General Hospital nga ang plasma gikan sa dugo sang COVID-19 survivor ang may yara sang antibodies batok sa nasambit nga balatian.
Nahibaluan nga ginapatigayon man ang kaangay nga pagpanalawsaw sa China kag South Korea agud makapangita sang vaccine batok sa COVID-19.
