ILOILO CITY- Nagapanguna ang pangalan nanday Sen. Raffy Tulfo kag Vice President Sara Duterte sang nahamut-an sang mga Filipino agud magpadalagan sa 2028 presidential elections.
Santo sa latest Pulse Asia Survey, statistically tied sanday Duterte kag Tulfo.
Ginpatigayon ang survey sang Marso 6 tubtob 10 sa diin may yara sang 1,200 respondents nationwide kag may margin of error nga ±3%.
Si Tulfo may yara sang 35 percent kag may 1 percent lead kay Duterte nga may 34 percent.
Dako naman ang abanse ni Tulfo kay Duterte sa National Capital Region (41 kay Tulfo kag 26 kay Duterte), sa Balance Luzon (37 kay Tulfo kag 23 kay Duterte), kag Visayas (46 kay Tulfo kag 20 kay Duterte).
Si Former Vice President Leni Robredo ang yara sa ikatatlo nga pwesto nga may 11 percent.
Nagasunod si Sen. Imee Marcos sa 5 percent.
Si former President Rodrigo Duterte ang may yara sang 0.2 percent.
Si Sen. Grace Poe, nga napierde sang 2016 presidential elections, ang nanguna sa Vice Presidential poll nga may 35 percent.
Ginasundan ni Sen. Marcos nga may 16 percent.
