Indi makasarang ang Senado sa pagsabat sa pagpakaon sa staff kag legal team ni Vice President Sara Duterte samtang padayon ang impeachment trial.
Ini ang sabat ni Senate President Sherwin Gatchalian matapos nagsulat si Duterte nga dapat nga sabton sang Senado ang catering para sa iya mga personnel kag abogado, kag dapat nga hatagan sila sang pagkaon kag ilimnon nga santo sa ila nga pili-on kag i-serbe sa ila nga designated holding area.
Suno kay Gatchalian, wala pa nasabat ang amo nga sulat.
Ginatun-an pa sang impeachment court ang amo nga request, apang ginpabutyag niya nga limitado ang pondo sang Senado kag kinahanglan unahon ang mga gasto para sa budget hearings kag iban pa nga committee hearings.
Nauna man nga nagpahayag si Gatchalian nga posible nga magrenta ang Senado sang dugang nga lugar sa Philippine International Convention Center ukon PICC para sa budget hearings bangud ginagamit para sa impeachment trial ang pila ka session rooms.
“Dahil nga papasok ang budget, dahil marami kaming committee hearings na gagawin, nakikita ko na kakailanganin naming mag-rent ng space sa PICC,” suno kay Gatchalian.
“So in short, wala kaming pondo para magbigay ng pagkain,” dugang sini.
“Decision na ‘yan ng management ng Senado kung papayagan o hindi. But it’s a basic issue of budget. Dahil nga hindi kaya ng budget, dahil mayroon tayong ibang gastusin, we have to prioritize of course yung budget hearings at committee hearings,” pahayag pa sini sa atubang sang media.
Sa pihak nga bahin, ginkwestyon naman ni Blue Ribbon Committee Chair Erwin Tulfo kun ngaa ipasabat sang bise presidente sa Senado ang pagpakaon sa iya staff kag mga abogado.
“Saan natin kukunin ‘yung bayad sa pagkain? Tapos sila pa mamimili sa catering,” suno kay Tulfo sa atubang sang reporters.#
