Senator Loren Legarda, ginsita ang wala pagtambong ni DOE Secretary Sharon Garin sa ila senate hearing kag ginpahayag nga masako ini sa “pagpamolitika”

Ginsita ni Senator Loren Legarda ang indi pagtambong ni Department of Energy Secretary Sharon Garin kag ginpahayag nga wala ini sa ila nga senate hearing bangud masako ini sa “pagpamolitika”.

Nagtuad naman si Legarda nga kun kinahanglan nga mag-obra ang mga ini bisan holy week, himuon nila agud lamang mahatagan sang solusyon ang problema sang publiko sa gatong.

Matapos ginpangita sa hearing, nag-abot man si Garin.

Sa pagpadayon sang hearing, ginplastar ni Garin nga kampante siya nga may kuhaan ang gobyerno sang suplay sang langis agud mapabaskog ang reserba sang pungsod.
Suno sa iya, kuhaon ang suplay halin sa iban nga pungsod kaangay sang South Korea, China, kag Japan.

Una na niya ginpahayag nga may 1 million barrels sang diesel nga ginatrabaho kag gina-order ang gobyerno nga balor P10 billion.