Ginmanduan ni Justice Secretary Menardo Guevarra ang National Bureau of Investigation (NBI) nga imbestigaran ang natabo sa Barangay Lonoy, Calbayog City, Samar kun sa diin patay si Calbayog City Mayor Ronald Aquino kag lima ka iban pa.
Sa department order nga ginpagwa ni Guevarra, nakasaad nga dapat magpasa ang NBI sang progress sang ila imbestigasyon sa sulod sang 10 ka adlaw.
Indi pa subong maathag kun ano ang matuod nga natabo bangud sa bahin sang Philippine National Police, ginpahayag nga shootout ang amo nga kaso, apang para kay Samar 1st District Rep. Edgar Sarmiento nga abyan sang napatay nga alkalde, AMBUSH ang natabo.
Matandaan nga sang Lunes sang natabo ang insidente, padulong kuntani si Aquino sa birthday celebration sang iya anak nga lalaki sang natabo ang pagbayluhanay sang lupok sa tunga sang kampo ni Aquino kag sang Philippine National Police Integrity Monitoring and Enforcement (PNP-IME) kag Provincial Drug Enforcement Unit (PDEU).
Ang official report sang pulis ang nagasiling nga una sa pagpalupok ang kampo ni Aquino — baliskad sa pahayag sang mga testigo nga mga pulis nga sakay sa duha ka salakyan ang una nga nagpangluthang.
Patay sa amo nga insidente sanday Police Captain Joselito Tabada, pinuno sang PDEU, kag Police Staff Sergeant Romeo Lauyon, myembro sang Provincial Intelligence Branch kag PDEU.
Sa kampo naman ni Aquino, patay ang driver nga si Dennis Abayon kag body guard nga si Police Staff Sergeant Rodeo Sario.
Nasalabat naman kag ginbawian man sang kabuhi ang isa ka City Government employee nga si Clint John Paul Yauder.
Pilason naman si Police Staff Sergeant Neil Cebu, miyembro sang PNP K9 Unit.
Una naman nagpahayag ang PNP nga may gintukod na nga task group agud mag-imbestigar sa natabo.
Samtang yari naman ang statement sang Malacañang sa natabo. Yari si Presidential Spokesperson Atty. Harry Roque. Samtang yari naman ang statement sang Malacañang sa natabo. Yari si Presidential Spokesperson Atty. Harry Roque.
