ILOILO CITY – Madayon gid ang signal shutdown sa syudad sang Iloilo kadungan sang Dinagyang Festival 2020.
Ini ang kasunod sang committee hearing nga ginpangunahan ni Iloilo City Councilor Mandrei Malabor sang damlag lang.
Sa interview sang Bombo Radyo kay Iloilo City Mayor Jerry Treñas, iya ginpahayag nga may napasar na nga resolusyon ang konseho para sa pagpatuman sang signal shutdown.
Suno kay Treñas, indi lamang sa Dinagyang Festival ginapatuman ang signal shutdown kundi lakip man sa iban nga major events kasubong sang Paraw Regatta kag Chinese New Year.
Ginpahayag ni Treñas nga sa pihak sang huol, ang signal shutdown ang para sa kaayuhan sang kadam-an.
