ILOILO CITY- Wala sang nangin dako nga epekto sa syudad sang Iloilo ang tatlo ka adlaw nga nationwide transport strike nga nag-umpisa subong nga Lunes kag magalawig tubtob sa Mierkules.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga normal nga Lunes lang ang naeksperyensiyahan subong nga adlaw bangud bastante gihapon ang nagabyahe nga mga salakyan.
Suno kay Conlu, 80 to 90% sang mga salakyan sa syudad ang consolidated kag nag-upod sa modernization program gani wala sang nangin problema.
Dugang ni Conlu, sa pagkamatuod, nubo man ang volume sang mga pasahero sa mga terminal bangud posible nga kahapon pa nakabalik sa syudad ang iban nga mga tawo ukon hungod nga wala nagbalik sa syudad subong nga adlaw.
