Patay ang siyam ka mga soldado matapos nagtibusok ang duha ka US Army helicopters sa southwestern Kentucky sa Estados Unidos sang Amerika.
Involved sa insidente ang 101st Airborne Division kag natabo sa training mission malapit sa military base.
Ginkumpirmar sang military officials nga siyam ka service members sang HH-60 Blackhawk helicopters ang casualties kag wala sang bisan isa nga nakaluwas.
Suno sa 101st Airborne Division, medical evacuation aircraft ang nagtibusok nga mga helicopter. Nagtupa ang aircraft sa open field apang wala na sang reported nga dugang nga casualties halin didto nga lugar.
May gin-deploy na nga military investigative team sa crash site agud mahibaluan ang rason sang insidente. ##
