ILOILO CITY- Napaslawan ang mga water utility companies nga ginkontrata sang Iloilo City Government nga maghatag sang target nga volume sang tubig sa mga barangay sa syudad.
Ini amo ang South Balibago Waterworks kag Metro Pacific Iloilo Water.
Sa interview sang Bombo Radyo kay Engr. Neil Ravena, pinuno sang General Services Office, iya ginpahayag nga madamo sang factors kun nga wala nalab-ot ang target nga 500,000 liters per day nga ma-distribute sa mga barangay.
Suno kay Ravena, ini bangud sa ma-eksperyensiyahan nga trapiko sang mga trucks nga naga-deliver sang tubig rason nga may delay, kag ang kakulang sang water storage tanks sang mga barangay nga ginahatagan sang tubig.
Pahayag ni Ravena, sa pagkamatuod, yara lang sa 170,000 liters per day ang ma-deliver nga tuman ka nubo sa 500,000 liters per day nga target nga mas manubo naman sa una nga gin-set nga 696,000 liters per day nga dapat i- deliver nga potable water.
Dugang sang natungdan, sa 90 ka mga target nga barangays, 43 pa lang ang nadul- ungan sang tubig.
