Nasapwan nga wala na sang kabuhi sa iya puluy-an sa Seongdong District, eastern Seoul, ang 24-anyos nga South Korean actress nga si Kim Sae-ron.
Nadiskubrehan si Kim sang alas 4:54 sang hapon sang isa ka abyan nga may plano nga makigkita sa iya.
Nag-abot ang mga opisyales sang Seoul Seongdong Police Precinct sa balay ni Kim matapos makabaton sang report halin sa iya abyan nga nagtawag sa ila matapos nga wala nag-abot ang aktres sa ila natalana nga pagsinapol.
Ginpahayag sang mga opisyal sang pulisya nga wala sila sang nakita nga senyales sang foul play apang padayon ang ila imbestigasyon sa mga sirkumstansya sa palibot sang iya kamatayon.
Si Kim nangin bantog bilang isa ka young actress, nga nakakuha sang pagkilala sa iya mga papel sa mga pelikula pareho sang Hi! School-Love On, Bloodhounds, The Man from Nowhere, kag A Brand New Life.
Sang nagligad nga mga tinuig, nag-atubang siya sang kontrobersiya kasunod sang insidente sang pagmaneho nga hubog sang 2022.
