ILOILO CITY- Hugot nga ginabantayan sang Iloilo Provincial Government ang banwa sang Sta. Barbara bangud sa reported clustering sang pertussis.
Ang probinsya may yara na sang 30 ka kaso sang pertussis kag pito ang patay humalin Enero 1 tubtob Marso 23.
Nagpahayag man ang probinsya sang kahandaan sa pagbakal sang bakuna agud matapna ang nagataas nga kaso sang whooping cough.
Suno kay Iloilo Provincial Health Office head Dr. Maria Socorro Quiñon, may yara sang buffer stock nga 14,000 (vaccine doses) kag ini ang mahimo maglawig tubtob sa Mayo.
Ginpahayag naman ni Governor Arthur Defensor nga pabaskugon pa ang mga tikang batok sa pertussis kag ginmando ang close monitoring sa kapasidad sang rural health centers kag ang padayon nga immunization program.
