Ginalantaw sang Iloilo City Government ang posibilidad sang pagdeklarar sang state of calamity sa Syudad sang Iloilo kasunod sang pagtaas pa sang kaso sang dengue nga naglab-ot na sa 618 kag 7 ang patay.
Sa interview sang Bombo Radyo Iloilo kay Iloilo City Mayor Jerry Treñas, iya ginpahayag nga naga-coordinate na ini sa Iloilo City Health Office sa posibilidad nga irekomendar ang state of calamity sa syudad.
Suno kay Treñas, mahimo man nga maistoryahan ini sa regular session sang Iloilo City Council buas nga adlaw sang Martes,Hulyo 16.
Ginpasiguro naman sang alkalde nga padayon ang ila pagpatigayon sang mga programa kag aktibidad agud batuan ang pagduging pa gid sang dengue sa Syudad sang Iloilo.
