SPAIN – Nagdesisyon ang mga mamalidha sa Spain nga palawigon pa sang duha ka semana ang pagpatuman sang ila nga state of emergency bangud sa padayon nga pagsaka sang kaso sang Coronavirus Disease 2019.
Nahibaluan nga masobra na sa walo ka semana nga ginapatuman sang gobyerno sang Spain ang nation-wide lockdown agud matapna ang paglapta sang Covid-19.
Sa ginpatigayon ng botohan, may yara sang 178 ka mga mamalidha ang pabor nga palawigon pa ang state of emergency, 75 ang nagpamalabag kag 97 naman ang nag-abstain.
Bangud sa nangin resulta sang botohan, magapabilin ang state of emergency tubtob Mayo 23.
Nagpaathag naman si Spanish Prime Minister Pedro Sanchez nga indi pa tion agud panaugon ang lockdown bangud sigurado nga madamo ang malatnan sang virus.
Sa subong nagdangat na sa masobra 220,000 ang kaso sang Covid-19 sa Spain sa diin halos 25,000 na ang nagkalamatay.
