Apektado sa karun ang sugar industry sa Central Panay, bangud sa nagataas nga presyo sang gatong dala man sang padayon nga tension sa Middle East.
Sa interview sang Bombo Radyo kay Bingawan municipal mayor Matt Palabrica, iya ginpahayag nga peak subong sang milling season sa nasambit nga rehiyon sang amo nga produkto kag madamo sa karun sang mga mangunguma sang kalamay ang nagaantos sa transportasyon sang ila produkto.
Dugang pa ni Palabrica nga wala pa sang pagtaas sa presyo sang kalamay sa subong nga tion, bangud sakop pa sang imported sugar ang ginabaligya sa merkado.
Wala pa sa karun sang pagtaas sa presyo sang kalamay, apang ginalauman nga magapatuman man ang mga ini sang price increase pananglitan nga magtaas man ang inflation sang pungsod.
Nagapaabot man ang sugar planters sang ayuda halin sa gobyerno, bangud kaangay sang sector sa transportasyon, apektado man ang mga ini sang mataas nga presyo sang gatong.
