42 ka mga mamalidha ang nagduso nga imbestigaran sang Kamara ang pagka-sunog sang maragtason nga Manila Central Post Office sang Domingo sang gab-i nga naglab-ot pa sa Lunes sang aga antes makontrol sang fire authorities.
Sa House Resolution No. 1019, lunsay mga mamalidha nga gikan sa Arts, Culture and Creative Industries Bloc of Congress ang nagpahayag nga kinahanglan ang imbestigasyon ilabi na bangud ang amo nga post office ang makabig nga important cultural property kag isa ka heritage site.
Busision man ang response mechanisms sang otoridad kag i-evaluate ang existing safeguards agud malikawan ang kaangay sini nga mga insidente.
Una na ginpahayag nga wala sang fire suppression system ukon bisan water sprinklers sa building.
Natalana man nga tumuron kun ano pa nga mga government buildings ang wala ukon kulang sa protection equipment.
Una ginpahayag sang Bureau of Fire Protection (BFP) nga “totally burned” gid ang building kag lakip sa apektado amo ang National IDs.
15 ka tawo ang injured sa amo nga sunog lakip na ang 11 ka bombero, isa ka volunteer, kag isa ka silbilyan.
