Indi maasi-asi ang performance sang Gilas Pilipinas Youth sa pag-umpisa sang 2022 Fiba Under-18 Asian Championship sa sa Tehran, Iran.
Ini matapos ginkamasaan sini ang Syria, 112-48, sa hampang sa Azadi Basketball Hall.
Si Mason Amos ang nanguna sa Gilas boys nga may 26 points, samtang si Earl Jared Abadam naman ang may yara sang 19 markers, six rebounds, four assists kag seven steals. Nagdugang man si Seven Gagate sang 19 points kag nine rebounds.
Sunod nga makasumpong sang Gilas Youth ang Qatar subong nga Lunes sa Group C action agud makatipon sang daog kag makasulod sa top eight. ##
