Nagapanawagan ang Atin Ito Coalition kay President Ferdinand Marcos Jr., nga ideklarar nga West Philippine Sea Victory Day ang Hulyo 12.
Ini agud magtatak sa mga Pilipino nga ang West Philippine Sea, ang ginapanag-iyahan sang Pilipinas kag indi sang China ukon iban nga pungsod nga base sa historic milestone sang pungsod sa Permanent Court of Arbitration sang 2016 nga nagbasura sa iligal nga “nine-dash line” sang China.
Suno kay Akbayan Rep. Perci Cendaña nga kabahin man sang House West Philippine Sea Bloc, sa tion nga magdagdag sang Executive Order ang presidente sa ila nga hingyo, daw kaangay nga ginapasiduggan man sang Pilipinas ang mga manugpangisda kag iban pa nga mga nagapangigbato kag nagadepensa sa soberanya sang pungsod.
Ilabi na nga nagapadayun sa gihapon sa pag-pangharass kag amh pagpalapta sang sala nga mga impormasyon sang mga Chinese personnel nahanungod sa WPS.
Ginpakigbahin man niya nga madamo na ang mga Local Government Units nga naghatag sang suporta kag nag-ubra sang ordinansa agud suportaran ang West Philippine Sea Day, mas mangin madasig ang pagpasar sang sini nga tikang sa Kongreso kun mismo nga president na ang magadagdag sang executive order para sa nasambit nga selebrasyon.
