Pila ka lugar sa America, apektado sang cyclosporiasis outbreak

Apektado sang microscopic foodborne parasite nga nagatuga sang “explosive diarrhea” ang pila ka mga estado sa Amerika suno sa US Centers for Disease Control and Prevention.

Labing apektado sang ginatawag nga cyclosporiasis outbreak amo ang Midwestern state sang Michigan kun sa diin naglab-ot na sa masobra 1, 500 ang apektado.

Suno sa mga awtoridad, 31 states na sa Amerika ang nakarecord sang nasambit nga sakit, apang wala man sang narekord nga napatay bangud diri.

Ginpakigbaghin man sang public health authorities sang Amerika nga possible nga maglawid ang sakit sa isa ka tawo sa masobra isa ka bulan.

Nahibaluan nga indi man makabig nga life-threathening ang cyclosporiasis, apang makatuga ini sang dehydration.

Nagpahanumdom man ang medical experts nga importante nga hugasan kag lutuon sang maayo ang mga pagkaun agud mapatay ang mga kagaw sa iban nga mga ginabatun sang lawas.

Sa subong, wala pa sang data kun sa ano ang matuod nga gintunaan sang nasambit nga kontaminasyon.