ILOILO CITY- Arestado ang barangay tanod matapos nakuhaan sang armas-luthang sa isa ka KTV bar sa Poblacion, Leganes, Iloilo.
Ang arestado amo si Pedro Suarnaba, 58, residente sang Brgy. Agutayan Lupa, Sta. Barbara, Iloilo.
Suno kay Police Master Sergeant Leo Barnuevo, imbestigador sang Leganes Police Station, nagainom-inom gid si Suarnaba sang nakuhaan sang 38 caliber revolver nga may apat ka bala kag isa ka basiyo.
Wala sang napakita nga dokumento si Suarnaba nga nagapamatuod nga legal ang iya pag-angkon sang pusil.
Ang pagdakop sa iya ang kabahin ginpatigayon nga Oplan Bakal Sita sang Leganes PNP sa mga KTV Bar houses sang Disyembre 31.
