Patay ang tatlo ka American service members kag masobra 30 ang pilason sa aerial drone attack nga ginlunsar batok sa US forces sa Tower 22 sa northeastern Jordan malapit sa border sa Syria.
Ginbasol ni President Joe Biden ang mga grupo nga naangot sa Iran kasunod sang amo nga insidente. Ginapahayag nga ini nga mga militante nga grupo ang naga-operate sa Iraq kag Syria.
“While we are still gathering the facts of this attack, we know it was carried out by radical Iran-backed militant groups operating in Syria and Iraq. Have no doubt – we will hold all those responsible to account at a time and in a manner of our choosing,” pahayag ni Biden.
Sa subong, 34 ka mga personnel ang gina-evaluate bangud sa posible nga traumatic brain injury nga naangkon.
Ini nga insidente amo ang labing-una nga tion nga may napatay sa tropa sang militar sang Estados Unidos halin sang nagluntad ang kinagamo sa rehiyon sang Middle East bangud sang Israel-Hamas war.
