ILOILO – Ginkumpirma sang Department of Health (DOH) Region 6 nga may tatlo na ka tawo nga napatay sa Western Visayas subong nga tuig bangud sang dengue hemorrhagic fever.
Santo sa record sang pamunuan, nagsaka naman sa 2,141 ang numero sang kaso umpisa Enero 1 tubtob Mayo 16.
Suno kay Dr. Jessie Glen Alonsabe, pinuno sang Regional Epidemiology and Surveillance Unit sang DOH 6, ini nga record ang mas manubo sang 74 porsyento ipaanggid sa na-rekord sang nagligad nga tuig sa amo man nga period.
Kun balik-balikan, sang 2019, umpisa Enero 1 tubtob Mayo 16, may yara sang 8, 110 ka kaso kag lima ka patay.
Apisar ginakabig ini nga ‘good news’ sang nasambit nga pamunuan, liwat nga nagpanawagan ang opisyal sa publiko nga sundon sa gihapon ang health protocol kontra dengue ukon ang 4S.
Ini amo ang Search and Destroy; Secure self-protectio; Seek early consultation; kag, Support discriminate fogging.
