Nagpaguwa ang Kamara sang panibag-o nga 60 ka adlaw nga suspensyon batok kay Negros Oriental Representative Arnolfo “Arnie” Teves, Jr.
Ginpaguwa ang desisyon matapos ang 285 yes votes sang mga mamalidha, wala sang no votes, kag isa ka abstention.
Ang rekomendasyon nga i-suspinde liwat si Teves ang una nga ginhimo sang House ethics and privileges panel sa pagpanguna ni COOP-NATCCO party-list Representative Felimon Espares.
Kadungan sang suspensyon, indi man magamit ni Teves sang iya kinamatarong kag pribelihiyo bilang kongresista sa amo nga period, kag ma-forfeit man ang iya tanan nga committee membership.
Nahibaluan nga gina-tag sang Department of Justice si Teves nga isa sa suspek sa pagpatay kay Negros Oriental governor Roel Degamo sang Marso 4, 2023 kag pila man ka pagpamatay sa amo nga probinsya sang 2019.
