ILOILO CITY – Target sang tiglawas sang Iloilo nga makuha ang main crown nga Bb. Pilipinas International sa patigayunon nga coronation night sang prestihiyoso nga pageant nga patigayunon sa The Big Dome ukon mas kilala bilang Smart Araneta Coliseum sa Mayo 28.
Sa interview sang Bombo Radyo kay Tracy Lois Bedua nga tumandok sang Barotac Nuevo, Iloilo, iya ginpahayag nga ginpreparahan gid niya agud ma-represent sang maayo ang syudad kag probinsya sang Iloilo matapos ang tanan nga trainings, seminars, kag sakripisyo.
Suno kay Bedua, dungog bilang Ilongga nga mahatagan sang kahigayunan agud ipabugal ang manami nga mga obra maestra sang mga Ilonggo artists pinaagi sa ginpasundayag nga National Costume nga iya man nga gintawag nga “Bukay” nga isa ka albino nga carabao kag may ginaguyod nga karosa nga gindisenyohan gamit ang mga native products sang Iloilo.
Tuman ang pagpasalamat sang Ilongga beauty sa tanan nga suporta kag nagpasalig ini sa paghatag sang manami nga performance.
