ILOILO CITY- Nagkalayo ang tore sang St. Anne Parish sa Molo, Iloilo City.
Makit-an sa video ang pagdaba-daba sang kalayo sa tore sang simbahan samtang nagabubo ang ulan.
Ginapahayag nga naigo sang kilat ang amo nga parte sang simbahan.
Sa interview sang Bombo Radyo kay Engr. Neil Ravena, pinuno sang City Environment and Natural Resources Office, iya ginpahayag nga ang mga plaza guards sa idalom sang iya opisina ang una nga nakakita sang kalayo.
Suno kay Ravena, nagresponder man gilayon ang katapo sang Bureau of Fire Protection- Molo.
Napalong man ang kalayo kag wala na ini naglapta pa.
Subong nga adlaw, hibaluon ang extent sang damage nga natuga sang sunog.
