ILOILO CITY- Ginpaidalom sa Level- Up Traffic Management training ang mga traffic auxilliaries sang Public Safety and Transportation Management Office (PSTMO).
Sa interview sang Bombo Radyo kay Mr. Jeck Conlu, pinuno sang PSTMO, iya ginpahayag nga may kaangtanan ini sa pagpirma sang Iloilo City government sa pagpanguna ni Mayor Jerry Treñas sang memorandum of agreement upod sa mga partner agencies nga ma-formalize ang establishment sang Traffic Academy sa syudad.
Suno kay Conlu,katuyuan sang training amo nga ma-professionalize ang mga traffic auxillaries.
Pahayag ni Conlu, may yara sang short courses sa mga traffic enforcers.
Kabahin sang training amo ang pagtudlo sa ila sang husto nga paagi sa pag-responde sa pila ka kinahanglan kag hingyo sang kliyente nga may kaabtik,pagtahod kag katampad.
Suno kay Conlu, kinahanglan nga mag-agi man sa Traffic Academy ang tanan nga iga-hire nga bag-o nga traffic auxilliaries kag dapat nga makapasar sa short courses antes sila batunon sa PSTMO.
