ILOILO CITY – Wala pa sang may nabaton nga ‘feelers’ ang otoridad nga may plano nga magsungka ang nakapalagyo nga drug personality sa buy bust operation nga ginpatigayon sang City Drug Enforcement Unit (CDEU) sa Brgy. McArthur, LaPaz, Iloilo City.
Sa interview sang Bombo Radyo kay Police Lt. Col. Rogen Morales, Deputy City Director for Operation sang Iloilo City Police Office (ICPO), iya ginpahayag nga tubtub subong, wala pa sila sang impormasyon kun sa diin na nagapanago si Arnel Porto, tricycle driver sang Brgy. Rizal Lapuz Sur, Iloilo City.
Suno kay Morales, ila nga pasakaan sang nagakaigo nga kaso si Porto kag hulaton ang pagpaguwa sang warrant of arrest.
Nahibalu-an nga si Porto ang nabaklan sang siyam ka sachet sang suspected shabu balor P15,000 apang sang gindaho na sang poseur buyer ang kwarta, gilayon nga nagpalagyo ang drug pesonality sakay sa ginamaneho nga tricycle.
